- ఎమ్మెల్యే తలసాని శ్రీనివాస్యాదవ్
సికింద్రాబాద్, వెలుగు: అమీర్పేట డివిజన్‌‌‌‌‌‌‌‌లో ముస్లిం బస్తీలోని సమస్యలను పరిష్కరించేందుకు కృషి చేస్తానని సనత్నగర్ ఎమ్మెల్యే తలసాని శ్రీనివాస్ యాదవ్ హామీ ఇచ్చారు. ఇటీవల ఎన్నికైన ముస్లీం బస్తీ కమిటీ సభ్యులు మంగళవారం వెస్ట్ మారేడ్ పల్లిలోని తన కార్యాలయంలో ఎమ్మెల్యేను కలిశారు.
బస్తీలో నెలకొన్న సమస్యలపై వినతిపత్రాన్ని అందజేశారు. ఈ సందర్భంగా ఎమ్మెల్యే మాట్లాడుతూ.. సనత్నగర్ నియోజకవర్గ పరిధిలో ప్రజలు ఎదుర్కొంటున్న దీర్ఘకాలిక సమస్యలకు శాశ్వత పరిష్కారం చూపామన్నారు. బస్తీలో ఏ సమస్య ఉన్నా తన దృష్టికి తీసుకొస్తే పరిష్కారానికి చర్యలు తీసుకుంటామని చెప్పారు. అధ్యక్షుడు నసీరుద్దీన్, ఉపాధ్యక్షుడు మహ్మద్ అంజద్, ప్రధాన కార్యదర్శి నిసారుద్దీన్, సలహాదారు సయ్యద్ అథిక్, అహ్మద్ ఉన్నారు.
